Biathli An Phuan: Matupi Kahdohnak Ah AA Tam Taktak An Thi Tiah, Chin Brotherhood Chungtel Asi Vemi Matupi B1 I Biachimnak Nawl Ngeitu Pa Nih A Phuan

Matupi B1 biachim tu nih “Matupi kahnak ah AA tam ngaingai an thi” tiah a chim. Matupi ralhrang cu an hriamnam 90% i put in an zaam tiah kan theih. Mah ralhrang a zaammi hna hi mindat lei an fuh men lai tiah khika kiangkap mi hna si in kan theih.Crd: William HC

Thawngpang dang: A Voi 2nak 1027 Operation An Kalpi Hnu In Ni 5 Chung Lawng Ah Tualchung Mi 20 Leng An Thi I Minung 30 Nih Hliam An. Shan ramkulh thlanglei, Kyaukme peng, Nawnghkio peng le Mogok peng chung hna ah TNLA nih 1027 Operation tiin a voi 2nak kahdohnak a kalpi ṭhan hnu ni 5 chung lawng ah tualchung mi 22 nunnak a liam i minung 30 nih hliam an tuar, tiah Ta’ang National Liberation Army(TNLA) thawng laaknak hrampi nih a chim.

“Hi ni 5 chung kahdohnak caan chung ah hin SAC ralhrang nih hriamngan kahdohnak a tuah mi ruang ah le Drone, raltuknak vanlawng in bomb a thlak mi ruang ah atu bantuk in tualchung mi nunnak liam mi le hliam tuar mi an um hi a si” tiah TNLA thawng laaknak hrampi nihcun a chim.

TNLA nih 1027 Operation tiin a voi 2nak kahdohnak an kalpi ni thawkka June 25 ah tualchung mi 2 nunnak a liam i mimung 5 nih hliam an tuar, June 26 ah minung 4 nunak a liam i minung 15 nih hliam an tuar, June 27 ah minung 3 nunnak a liam i minung 3 nih hliam an tuar, June 28 ah minung 11 nunnak a liam i minung 4 nih hliam an tuar, nizan June 29 ah minung 2 nunnak a liam i minung 3 nih hliam an tuar, an dihlak fonh ah tualchung mi 22 nunnak a liam i minung 30 nih hliam an tuar, mah pin ah biaknak lei inn telh in inn cheukhat zong an rawk” tiah a chim chap.

Ni 5 chung kahdohnak caan chung ahcun Ta’ang National Liberation Army(TNLA) nih SAC ralhrang sakhan 24nak tlawm lo an laak khawh pin ah Major le Captain pawl telh in 53 nih TNLA ralkap sin ah an hriamnam chiah in an i ap, tiah theih a si.Crd: lungmilipost