Bochan Bak Mi Pakhat Tel In Mipi Ralkap Tuan 6 Bak Meithal He Kawl Ralkap Ralhrang Kut Tang Um Sin An I Thial

Bochan bak mi pakhat tel in mipi ralkap tuan 6 bak meithal he kawl ralkap ralhrang kut tang um sin an I thial a poi tak tak tuzan lei ah khan kan kawl ram thawngzam minthang pakhat asi mi nih fb cahmai ah a tarlang hi asi.

KTLA ah zungrian tlai tu ah a bawi a pahnih nak asi mi chim rel nak nawl a ngei mi ral bawi saw wa nehmuh le BGF in a rak zam mi pakhat tel in an dih lak 6 an si sniper pakhat le M4 pakhat he kawl ralhrang kut tang um BGF sin ah an I fon tiah theih asi.

Kawl ralkap ralhrang in CDM a rak tuah mi pakhat zawng a tel ti asi I karenni ram kulh mipi ralkap min ngei Kawthoolei ralkap sin zung thu rian sang tak a tuan ve mi sawwa tel in 6 bak hriamnam he kawl ralkap ralhrang sin ah an I fon tiah theih asi.

Myanmar ah VPN in Facebook hmannak cu May 30 ah SAC nih an phih. Hi VPN phihnak ah hruaitu cu pehtlaihnak (settuaizi) vuanci changtu Brigadier General Lu Mon a si i Colonel Thiha Min Thun, Mascots Company in Dr. Win Kyaw le China thiamsang hna an i bawm tiah theih a si. VPN phihnak ah Secure Web Gateway (SWG) an hman.

VPN phihnak ah ṭuanvo latu company cu Mascots Technologies & Telecommunication a si. MTT company ngeitu Dr. Win Kyaw cu Burbrit Beer company dirhtu pakhat a si pin ah sakremhnak (construction) company le sii company ngeitu a si. Min Aung Hlaing chungkhar he naihniam ngai in a um mi a si fawn.

Mascots Technologies & Telecommunication nih VPN phihnak rian (SWG project) a hmuh in Rangoon ah Mynet ti mi min in Internet Service an tuah. Cun Media Tree company min zongin rian an ṭuan fawn.

SAC nih VPN an phihnak a ruang cu Myanmar ah Facebook, Instagram, WhatsApp le အပါအဝင် Twitter@ X kha phih dih an duh caah a si.

VPN phihnak ah a bik in bawmtu cu China a si i Mascots Technologies & Telecommunication China in thiamsang le engineer 13 a cah hna. SAC nih tuante in VPN hi phih a timh ko nain an hlawhtling lo i May 30 lawng ah khan an hlawhtling. Cu zong cu a dihlak cu a phit kho rih lo.

February 12 ah khan VPN phihnak hriamnam Secure Web Gateway cu Install an tuah cang nain an herh mi thilri a phak lo caah ralkap ni (Tatmadaw Neh) March 27 ah ah thawk ding an ti ṭhan i thilri a phak hlei lo caah May 30 lawngah an thawk khawh hi a si.

Atu hi VPN an phih mi a thawk nak lawng a si caah an phih khawh lo mi a tampi rih. Asinain SAC nih Myanmar ah VPN vialte phih dih an i tim. VPN hi an duhning in an phih dih khawh taktak ahcun Facebook hman khawh a si ti lai lo. SAC nih Facebook ai ah Myspace ti mi application an ser cuahmah i VPN an phih dih khawh ahcun Myspace kha mipi an hmanter hna lai.