Tonzaang peng, Cikha khua cu CNA le CDFs ralkap bu fonh hna nih nihin May 19 ah an laak khawh cang, tiah theih a si. Tonzaang lei tualchung media nih, “Nihin ah CNA le an hawile ralkap pawl Cikha ah an lut i SAC ralkap sakhaan mei in an khangh,” tiah hmanthlak he an langhter.
May 11 ah khan Cikha khua ah a um mi SAC ralkap pawl cu Helicopter in Tonzaang ah an thiar hna i, Cikha SAC ralkap sakhaan ah hin ZRA lawng an taang tiah ZRA a tanhtu Facebook Page hna nih an tial.
CNA le CDFs ralkap hna nih Cikha SAC ralkap sakhaan mei in an khangh hlan ah kap hnih kahdohnak a um le um lo fiang in theih a si lo. Crd: the hakha post
Chinram, Tonzaang Khah-La-Ya SAC sakhan kahdohnak cu May 15 khan CNA le CDF ṭangṭi phu nih an thawk i, kahdohnak hi kalpi rih cuahmah a si. May 15-17 tiang kahdohnak ah SAC lei ralkap 10 an thi i, hliamtuar zeimawzat an um, tiah CNA chimnak nawlngei Salai Htet Ni nih The Chin Post ah a chim.
Kahdohnak ah aa tel mi Chin ralkap nih an chim ning ah SAC ralkap hi ZRA nih an bawmh hna, tiah theih a si. Tonzaang khuapi kahdohnak bawm ding ah a kal mi SAC ralkap hna cu Nakzang khua ah Chin ralkap nih an rak kham hna i, SAC ralkap tlaih mi meithal 3 an laakpiak hna. A langhlat in ruak pahnih an hmuh kong Chin ralkap lei nih a chim.
Atutan kahdohnak ah hin Chin ralkap lei zong in nunnak a liam mi an um ve i, CNA in ralkap pakhat le CDF-Hakha in ralkap pahnih nih nunnak an pek ve pinah hliamtuar zong an um, tiah kan theih. Kahdohnak ah hin SAC lei nih vanlawng zong an hman i, voikhat lebang cu Chin ralkap rual rawl-einak pawng te ah bomb a tla nain vanṭhat ah a puak lo, tiah Chin ralkap pakhat nih a chim.
Leave a Reply