Updated Thantlang Peng Hmawngtlang Khua Ah Inn 3 Reng Lo A Kaang + Video

Nihin May 17, chun sml. 11:00 hrawng ah Thantlang peng, Hmawngtlang khua ah innkanghnak a chuak i inn pathum an ciam, tiah thawng kan theih. A kaang mi inn pathum cu Pu Lian Hlun inn, Pu Bawi Kung inn le Khuabawi zung an si tiah khuami nih an chim i, zei ruang ah dah atu bantuk in innkanghnak a chuah ti mi theih a si rih lo. Crd: the hakha post

Thantlang peng, Hmawngtlang khua ah nihin May 17, zinglei suimilam 11 hrawng ah inn thum phalh manh loin an kaang, tiah theih a si.

“Inn 3 a kaang mi hi Pu Lian Hlun inn, Pu Bawi Kung inn le khuakomh zung hna an si. Pu Bawi Kung inn hi dot 3 in sak cuahmah lio a si i khuakomh zung a hngak chung mi a si,” tiah Hmawngtlang khua mi pakhat nih The Chin Post ah a chim.

“Hmawngtlang khua inn kaang ah hin minung cu an him i thilri zong zeimawzat an chuah manh. Mei a chuah ning tu cu fiang inn kan thei kho rih lo,” tiah a chim chap.

Adang Hmawngtlang khua mi pakhat nih cun mei hi Pu Bawi Kung inn in aa thawk tiah a chim ve. Zeiruang ah dah mei hi a chuah ti cu an kan chim kho lo.