ZUALKO, Pu Hlawn Ceu Bik Lungpang  Tlak Nak In Mual A Kan Liam Tak A Poi Tuk Hrinhran Ko

Hriangkhan Khua Ah Ralzam In Aa Dor Mi Pu Hlawn Ceu Nih Mual A Kan Liam Tak Thantlang In Hriangkhan Ah Aa Dor Mi Pu Hlawn Ceu Bik Lungpang  Tlaknak In Vanchiat A Ton Caah Nunnak Liam

Chin ramkulh,Thantlang in Thantlang peng Hriangkhan khua ah ralzam in aa dor mi Pu Hlawn Ceu Bik cu nihin May 16 zanlei sang ah tiva an kal nak ah lungpang in a tla i a nunnak a liam tiah  thawng kan theih.

Tiva an kal nak ah lungpang an hrawn lio ah ah rul an hmuh i a zaam nak ah van chiat tongin Lungmili tiva ah a tla i a nunnak a liam hi a si.

“Nihin ah sio kan thla la an ti le lungmili tiva ah an kal hna.minung 4 an si.lungpang an hrawng hna i cuka ah rul an hmuh caah a zaam i a zaam nak ah a nal i lungpang cungin Lungmili tiva ah a tla. Van chiat a ton caah hi zanlei slm 5 tluk ah si dawh si.

A nih hi ti lei hna cu a thiam ngai mi a si nain tiva lung ah a lu aa khawn caah a si theo lai leng ah chuak ti loin a nunnak a liam.a tu lio cu Lungmili tiva hi a nawi ngai caah a ruak hi an hmu colh kho lo i mui hnu ceo ah a ruak an hmuh khawh.a tu hi Hriankhan an tlun pio lioa si” tiah a mah he naihniam in um mi pakhat nih CBN Daily News ah a chim.

Pu Hlawn Ceu Bik cu Thantlang khua Zunghmun sang ah khua a rak sa mi a si i mi nunnem mi ziatha ngai ngai a si.a nunnak a liam ah hin fa pakhat te a ngei i a fa hi kum khat le cheu tluk lawng a si rih.

Taantak mi chungkhar le sahlawh rualchan vialte CBN Daily News nih nan ngaihchiat nak kan in hrawmpi hna.bawipa tu nih hnangam daihnak in pe hram hna seh. CBN Daily New