A thi cang tiah a thi mi vui nak hmantlak he an tarlang mi ZRA ralkap pakhat cu nun dam in ka um ko ee ti in a tang video bantuk hin mipi le chungkhar sin ah langh nak a tuah.
CNA Nih An Tleih Mi ZRA Ralkap Pakhat A Chung Le Nih A Thi Tiah An Ruah Mi Pa Nih A ThihnLo Nak Kong Fian Taktak In Video In A Langhter.
Chin ram Tedim peng Dalkhai khua hlun ah April 3 /2024 ah khan CNA an khualtlawn lio cu ZRA lei nih lam sirin an rak bawh ( ambush) an kah hna. ZRA ralkap pakhat a si mi Sut Lam Khai cu hi an i kahdohnak ah CNA Mipi Ralkap hna nih a nungbu in an rak tleih.
ZRA ralkap Sut Lam Khai cu thawngfiang zong a um lo buah social media ah May 14/2024 ah khan, a thi tiah an langhter.
Mipi Ralkap CNA nih an thah tiah social media ah CNA a doh tu mipi cheu khat nih an post ngai.
ZRA ralkap Sut Lam Khai nih ning cang lo tuk in ka thi tiah thawng dik lo an post mi ka hmuh tik ah ka ngeih a chia in ka lung a tha lo ngai, social media ah a thi tiin thawng an thah mi cu a poi ka ti tiah a chim.
CNA mipi ralkap nih tha ten le dawt taktak in an ka zoh khen, cun ka dam lonak zongah siikhan ah an ka thlawpbul i tha ten an ka zohkhen ko tiah Chin miphun dih lak theih ah social media in Chinland Information Center hmangin a langhter .
A chungle nih zong a thi tiah an ruah caah a ruak um lo buin nizan ah ruak thlahnak program an hmang tiah an chim.
A chungle sin ah dam ten sau lo ah ka rak kir than ko lai tiah a chim chap. Note: Zangfah nak tein My Chinland Page Hi Follow in rak kan bawm ve. Aruang cu News le video ti ban tuk Kan van post tawn lai caah, na duh mi hna an um cun na rak hmuh khawh cawlh ve tawn lai. Kan i lawm tuk by My Chinland Page
Leave a Reply