Falcon Wings Nih SAC Ralkap Sakhaan Pawl Drone In Bom An Thlak

Falcon Wings Drone phu nih operation ‘RUN’ min in SAC ralkap sakhaan pawl drone in bom an thlak lio muicawl cu an Telegram Channel ah an langhter. Sihmanhsehlaw kahdohnak hmunhma le thilsining kong he pehtlai in zeihmanh an thanh mi a um lo. Crd: the hakha post

Mandalay ramthen, Pyinoolwin khua he 10 lawng a hlat mi, Naungcho peng, Thayetkone khuate kahdohnak ah SAC ralkap 59 an thi i hriamnam 61 le kuanzen tampi an laak tiah NUG, Runvennak Minister Zung nih nihin ah a thanh.

April 15 ah dohthlengtu ralkap nih an rak laak mi Thayetkone SAC ralkap camp cu laak than ding in SAC ralkap nih faakpi in an i zuam. April 19 thawk in SAC ralkap le PDF kar kahdohnak ni fatin a um i SAC ralkap 59 an thi tiah theih a si.

Kahdohnak chung ah SAC nih vanlawng in kahdohnak voi 32 a tuah i khuachung le phungki inn kulhchung ah an tla tiah NUG Runvennak Minister Zung nih a langhter.

Cu Kahdohnak ah cun dohthlengtu ralkap lei nih SAC hriamnam a si mi MA-1၊ MA-2၊ MA-3၊ MA-4၊ MA-5၊ MA-11၊ 60 MM mortar a dihlak fonh zun 61 le kuanzen tampi an laak tiah kan theih.