Malaysia ah a um nak a sau ve cang caah khua lei a rak tlung mi asi I khua lei a chungkhar hna sin a phan hlan ah lam tim ah ralhrang nih a tu bantuk in an thah hi asi a poi tuk hrinhran ko ee. A tang ah hin thilsining cu tarlang asi I mizo ca asi caah ka let lem ti lai lo.
Chinland ram Zophai Kalay Township Aungywa khua a cheng Pau Kim Mung ( Kum 27 ) chu Malaysia atanga rawn hawnghlim a ni a, an in pawh ala thleng fel lo a ni. April 9 zanah Taungphila ah SAC ten an lo man a rawng takin an lo kap hlum a ni. April 10 ah Taungphila Siyin Baptist Biakin bulah tualchhung miten a ruang an chhar a, tualchhung lam atanga report kan dawn angin ruangchhar thu post te pawh kan nei nghal a ni.
A chanchin kan hriat dan chuan tiang hi a ni “ Malaysia a zinna rei ve tawh hle mai a , March 28 khan Air ticket la in Yangon lam a rawn pana, tihluihna in military council SAC ten sipai a tang turin Civil an man thin avangin a fimkhur ve hle a ni, Pathian zarah April 4 ah Yangon atangin High Class Bus hmangin April 6 ah Kalay lam a rawn thleng thei hlauh a, Tahan ah a chhungte damlo an awm avangin a hawng nghal theilo a ni, April 9 zan lamah Taungphila lam atanga a chhungte awmna lam a pan chu kawng lakah SAC ten an lo man a Motorcycle, Phone leh Pawisafai a ken te chu an lo laksaka rawng takin an kap hlum ” ta a ni.
Pu Khup leh Pi Za Cingi fapa an tlangval Pau Kim Mung chu SAC ten silai in a pumah an kap tlanga a rilte pawtin a ruang hmuh a hreawm hle. A nu leh pa chawmtu a ni a, a zin lo hawng chhungten thlahlel taka in atanga an lo beisei leh an hmuah chu rin loh leh beisei loh takin a ruang chu April 11 ah a khua leh tui a chenna in Aungywa ah a thlenga, rilru a na tak zet ani.
Tukin April 12 dar 9:00 AM ah amah vuina hunserh program chu hman a nih thu tualchhung miten Zofa Journal ah an hrilh. Tiang anga tual thihna rapthlak tak kan unau Aungywa lam ten an tawk tih kan hriatin rilru leh thinlung takin kan tuarpui tak zet ani Lalpan lusun chhungte thlamuanin venghim tlat che u rawh se. crd: zofa journal
Leave a Reply