Mandalay ramṭhen, Myingyan peng thlanglei meng 5 a hlatnak hmun ah ni 7 chung fak ngaiin kahdohnak a chuak i Lieutenant pakhat telh in SAC ralkap 36 an thih i minung 43 hliam an put kong, Myingyan Black Tiger – MBT hruaitu Mike Khe nih a chim.
November 11 thawk in Myingyan peng thlanglei meng 5 a hlatnak hmun ah a um mi Myingyan Black Tiger (MBT), Column 3 cu SAC ralkap nih an kah hna i kaphnih kar ni thum chung kahdohnak a chuak. November 15, zan suimilam 8:30 ah SAC nih Mi-35 Helicopter in voi thum, Jet Fighter in voi hnih kahdohnak an tuah i Myingyan khuapi hrambunh Khah-Mah-Yah 15 zong in Honwitzer in voi 5 an kah i November 18 tiang kaphnih kar kahdohnak a fak, tiah theih a si.
Myingyan peng ni 7 chung kahdohnak ah cun ralbawi bo hnih pakhat telh in SAC ralkap 36 an thi i minung 43 hliam an pu. Myingyan Black Tiger (MBT) ralkap hliamhma a tuar ve. Nihin tiang SAC ralkap pawl rallam sial in hmailei an panh caah pehzulh in kaphnih kar kahdohnak a fak kho, tiah theih a si.
Leave a Reply