Aung San Thih Campha Ah CDF-Matupi B 1 Nih Matupi Operation Ah A Thimi 6 Hmanthlak Matupi Lansung Ah An Chiah. Kawlram luatnak caah a rak cawlcang mi Aung San thih ni ah Matupi Operations ah CB chungtel CDF-Matupi Battalion 1 in a thimi Minung 6 upat peknak le philhlonak caah tiin Matupi Khuapi Lansung ah an hmantlak le pangpar kual kan chiah hna tiah CDF-Matupi Battalion I nih thanhnak an tuah.
Matupi Operation CDF-Matupi B1 in a thimi hna cu:
၁။ ရဲဘော် လိုင်ထန်းဘွေ
၂။ ရဲဘော် ရွှီးလျန်
၃။ ရဲဘော် ရောဘတ်ဆန်း
၄။ ရဲဘော် ဘောဇ(ခ) ဘွေအာ
၅။ ရဲဘော် ပါတူး နဲ့
၆။ ရဲဘော်ရိုးလျန်
Thawngpang dang: U Myint Swe cu ralhraang bawizik Min Aung Hlaing nih uknak caan a sauh khawh nak ding ah a biapi cem mi a si. thla 6 ah voikhat in nawkngeihnak caan sauh dingah Defense and Security Council (ကာ/လုံ) a au kho tu cu president Myint Shwe lawng lawng a si.
2023 kum thokka U Myint Swe cu a ngan a dam tuk ti lo kha Min Aung Hlaing nih a theih. Ruah lo piin U Myint Shwe a thih ah cun Pu Henry Van Thio cu President ah a kai ding a si.Pu Henry Van Thio cu NLD cozah chan ah Vice President rian a rak tuan mi a si caah Min Aung Hlaing nih 100 ah 100 a control khawh lo ding a thin a phaang.
Cu caah Pu Henry Van Thio cu a luancia April 22 ah khan a ngandamnak lei a tha tilo tiin Vice president sinak in an dinh ter.SAC nih aa tlaih mi 2008 phunghrampi ah SAC ralbawizik nih president le Vice president hna hi an rian in a dinh ter khawh hna timi aa tial lo. Cu caah 2008 phunghrampi ningin kan kal a ti lengmang mi SAC hna nih an phung lila an buar mi a lang khun.
Laak hruak in thla 6 caan an sauh mi cu tu thla July ah a dih ding a si cang i hi hnu thla 6 nawlngeihnak laak than dingah a biapi mi U Myint Swe le Pu Henry Van Thio an um ti lo caah SAC nih uknak/nawlngeihnak an hmuh khawh nak ding ah lam pakhat khat cu a tuah a hau cang. SAC ralbawizik Min Aung Hlaing nih a tuah te dingmi thil phun (3) a um. Cu hna cu a tanglei bantuk hi an si hna.
Leave a Reply