Salai Van Lian Thang Nih A Lung Tthatlonak A Ttialmi Hi Zeitindah Nan Ruah Cio, hihi Maw CC Dirhmun Asi Taktak Ko Lai

Salai Van Lian Thang Nih A Lung Tthatlonak A Ttialmi. ZRA cu SAC he an ipehtlai tiah tette (evidence) phunphai langhter khawh kan rak izuam ngai tawn.  MDF cu Dr. NCL bu asi, tiah tette um loin pehtlaihter kan rak izuam tawn.

CNO/CNDF cu rithai-sii a tuahmi bu asi, tiah pehtlaihter kan hun izuam ṭhan. Nain, a donghnak ahcun a strong ngaimi tette (documentation) a hun chuakmi cu kanmah le SAC ralhrang kan rak ipehtlaihnak tu a hun si.

Thil serious tak, impact a ngan dingmi, thil ṭha lo ngai, duh a nung lo tukmi le zohchia ngaimi a hun si. Lung a ṭha lo ngaingai.  Salai Van Lian Thang chung um a poinak cu hi bantuk ahhin a si. Nan lung fim cang ko ne uh.

Thawngpang dang: Lungmili Post | Chiapa 18 | 2024, India, Mizoram ramkulh in Rakhine ramkulh lei ah luhpi an timh mi datsi ṭengki lung 24 cu Young Lai Association (YLA) le palik hna i bawm in an tlaih ṭhan, tiah theih a si.

Nihin 2024, July 18 ni zanṭim suimilam 12:15 tluk ah Rakhine ramkulh lei ah luhpi an timh mi datsi ṭengki lung 24 cu Young Lai Association(YLA), Diltlang Sub-Hqrs le palik hna i bawm in an tlaih, tiah thawng laaknak hrampi pakhat nih a chim.

“An tlaih mi datsi lung 24 cu Pick-up motor 4 in an rak phorh i Mizoram ramkulh, Lunglei lei in Rakhine ramkulh lei ah luhpi an timh ruang ah Lawngtlai pengkomh chung hmunhma pakhat ah an tlaih hi a si,” tiah a chim chap.

A luancia July 2 ni zong ah Rakhine ramkulh lei ah luhpi an timh mi Diesel ṭengki lung 57 cu CYLA nih an rak tlaih i July 15 ni zong ah Diesel ṭengki lung 19 an tlaih, tiah theih a si.

Rakhine ralkap AA nih Chinmi hna cung ah kahdohnak pehtlai in a tuah ruang ah Mizoram hrambunh Central Young Lai Association (CYLA) nih 2024, June 24 thawk in Rakhine ramkulh lei a