Khrihfabu Kip Nih $ Thong Thawh In Tuahmi CBCUSA Civui Cu Satan Nih Bible Bia In Jesuh Rian Solhphelh A Timh Bantuk Tuahnak Men Ah A Cang Ai! Ruat Phu Taktak ASi Hi Mu

Khrihfabu kip nih $ thong thawh in tuahmi CBCUSA Civui cu Satan nih Bible bia in Jesuh rian solhphelh a timh bantuk tuahnak men ah a cang ai! Civui caah $1 zong pek ti lo ding. Khrihfabu kip nih $ thong thawh in tuahmi CBCUSA Civui cu Satan nih Bible bia in Jesuh rian solhphelh a timh bantuk tuahnak men ah a cang ai! Civui caah $1 zong pek ti lo ding.Catialtu: Zammang Mualcin

Thawngpang dang: Chinram, Tedim peng, Tungzang khua cu ZRA-EC nih July 6 ah an luhhnawh i kum tling lo ngakchia hna telh in tualchung mi 20 cu ralkap ah luhter ding in an rak tlaih hna. Cu chung ah kum tlinglo ngakchia 9 cu nizan July 9 ah an thlah ṭhan hna, tiah theih a si.

“ZRA-EC pawl nih ralkap luhter ding in an tlaih mi hna lak ah kum 12-13 kar mino 9 cu an thlah ṭhan hna, khua upa hna nih ZRA pawl an ton hna i an nawl hna caah atu bantuk in an thlah ṭhan hna hi a si, an thlah mi hna cu atu hi khua an phan cang” tiah tualchung thawng laaknak hrampi nih a chim.

A luancia July 7 zong ah Zomi Revolutionary Army -Eastern Command (ZRA-EC) pawl nih Tungzang khua mi hna cu ralkap lut ding in camcawhfung an zuhter hna i a hmu mi minung 20 cu kan in auh hna tik paoh ah nan ra lai an ti hna, nan rat lo ahcun nan chungkhar ning in khua chung in chuah nan si lai, tiah ZRA pawl nih an ṭhihphaih hna.