US Ah ZRA Fans Pawl Faktuk In An Buai Ee. Mipa Pakhat Chinchin Cu A Thi Maw A Nun A Fianglo Ee. Video Rak Zoh Tuah Uh

US Ah ZRA Fans pawl faktuk in an buai hoi e. Chin Brother-Hood ZRA hi cu khoika an umnak poah Chinmi (Min) a kan chiatter peng ko e. Chinram ah Chin Brother-Hood nih AA sinah a kan zuar, USA ah ZRA nih miphun dang hmaiah a kan zuar a poi hringhran ko e. The Chinland Information

Thawngpang dang: Chinram, Tedim peng, Mualpi khua ah kum 12 ngakchia nute cu SAC ralhrang cheukhat nih an tlaih hrem, tiah theih a si.  2024, July 5 ah Klaymyo in Chinram lei ah motor pawl he a rak kai mi SAC ralhrang cheukhat nih kum 12 ngakchia nute an tlaihhrem i a dang fa ngei cia nu 1 le ngakchia nu 1 zong SAC ralhrang cheukhat nih tlaihhrem an timh hna nain an chuakzaam khawh caah annih 2 tu cu an luat, tiah tualchung mi hna nih an chim.

“July 4 ah motor pawl he SAC ralhrang pawl an rak kai caah ngakchia nute cu a chungkhar hna he lo/thlam ah an i dor. July 5 ah SAC ralhrang pawl nih inn ah tlun a ngah cang an ti caah ngakchia nu cu inn va zohta ding in a nu nih a fial i khuachung a dai cang tiin ngakchia nute cu rawl a chuan lio ah SAC ralhrang 2 nih an luhhnawh i an tlaihhrem. Ngakchia nute nih rak ka chanh uh tiin a au i inn pawngkam ah SAC ralhrang an tam ngai ko nain an chanh hlei lo” tiah tualchung mi pakhat nih chim.

Cu pin ah a dang fa ngei cia mi nu 1 le ngakchia nu 1 zong SAC ralhrang nih tlaihhrem an timh hna nain an i sual i an zaam khawh caah annih tu cu an luat. Khua mi hna nih an hruaitu SAC ralhrang bawi sin ah report an tuah i hlathlainak an tuah. Ngakchia nute cu tangka pek in daihter ding ah an i zuam, tiah a chim chap.

Ngakchia nu a tlaihhremtu SAC ralhrang 2 cu puan in an zual hna i motor cung ah an kaipi hna. Cu hnu ah an hruaitu SAC ralhrang bawi nih “Kan dirhmun a ṭha loh” a ti hna i Kalaymyo lei ah an kir, tiah tualchung mi hna nih an chim. SAC ralhrang pawl cu July 4 ah motor 6 he Kalaymyo in Chinram lei ah an rak kai hi a si i July 5 ah an kir ṭhan, tiah theih a si.