Thawngpang Theih Nuam Hmuhnuam Mak Bak Mi Pakhat

Thawngpang theih nuam hmuhnuam mak bak mi pakhat chin ram lei pan in a thawh mi kawl ralhrang riahcaw phur motaw 7 bak riahcaw khat he mipi ralkap nih an tlaih an kah lio an cawlcang nak video he zoh khawh asi.

Kawl ralhgrang riahcaw phur mi maway ram then Pakokku khuapi ah um 101 kawl ralkap sakhan hmunpi in chin ram lei ah riahcaw phur mi kawl ralhrang motaw cu WPF mipi ralkap nih a lam tan tim ah an kah hna hi asi.

Kah doh nak hi minute 40 hrawng an kah ah an motaw thilri vial te an zam tak dih mipi ralkap nih cun an riah caw motaw 7 bak an lak piak hna nain an thilri lak lo in an motaw he mei in an khangh dih ti asi a tang ah hin video in zoh khawh asi.

 

SAC ralkap nih hramhram in nawlngeih an laak hnu kum thum leng chung ah Shan ramkulh thlanglei le Karenni ramkulh ah tualchung mi 632 nunnak a liam, tiah Progressive Karenni People’s Force(PKPF) nih April 1 ah an thanh.

“Nunnak a liam mi chung ah Karenni ramkulh chung kahdohnak a fah ruang ah ralzaam in i dornak hmun ah a thi mi zong an i tel i minung 150 leng an si,” tiah PKPF in ṭuanvo ngei pakhat nih a chim.

SAC ralkap nih hramhram in nawlngeihnak an laak hnu in Karenni ramkulh chung ah kahdohnak voi 1,000 leng a chuak i SAC ralkap nih vanlawng in kahdohnak voi 1,400 leng an tuah, tiah PKPF nih an thanh.

SAC ralkap nih vanlawng in kahdohnak an tuah ruang ah sianginn 22, sii-inn 15 le umnak inn 2,400 leng a rawk, tiah PKPF nih  an thanh mi ah an langhter.

Karenni ramkulh le Shan ramkulh thlang lei ah a liamcia 2023 November 11 in a luancia March 23 tiang, thla 4 leng chung kahdohnak ah Mese, Demoso, Ywathit, Sadaw, Mawchi, Nanmaekhon le Moebye khuapi hna cu Karenni ralkap nih an uk khawh.