AA+CB Nih Lailenpi Chungkhar Pakhat Cu CNA Na Ttanh Ti Ruang Ah A Inn An Hrenhpiak. Chinram chungah duh paoh in khua a sa cuahmah mi AA le Chin Brotherhood members MDF nih Lailenpi khuami chungkhar pakhat cu CNA na ttanh ti ruangah an inn an hrenhpiak hna.
Tu lio AA le kan unau a simi Chin Brotherhood members cheukhat hna Chinram chungah an cawlcangh ning le khuate mipi harsatnak an pek ning hna zoh tikah lungthin a fak ko. Chaklei Chinram ahhin cun CNA an tam caah an ttih i, an duh poah in an um ngam lo. Asinain thlanglei Chinram ah cun, Mipi Ar le vok ei ding thil nih a celh ti hna lo.
Mipi luh le chuah kong zongah AA le Chin Brotherhood sinah permission lakta peng a hau. A rauhlan ah thlanglei Chinram zong CNA nih zalonnak an pek zau khawhnak hnga le AA+CB zong an umnak ding hmunah an chiah zau nak hnga thla cam rih ko hna u sih. The Chinland Information
Thawngpang dang: Kan Chin hrinsor Mizoram hrambunh Zo Reunification Organization (ZORO) hruainak in Chinland ralkap CNF/CNA le Zo Revolution Army (ZRO/ZRA) hna cu thaizing 2024 Chiapa 27 ah tonnak an ngei lai.
Zo Reunification Organization (ZORO) nih CNF/CNA le ZRO/ ZRA kar kahdohnak ah remdaihnak um kho dingin palai an tuan i kaphnih hruaitu tonnak an ngeih hna. ZRO/ZRA hi India nichuahlei Manipur ramkulh miphun le miphun kar buainak a chuah hnu kum 1993 hnulei ah a chuak mi hriamtlai bu an si.
ZRO/ZRA hi kum 2005 ah India cozah hnatlaknak in ramri hngaktu ralkap bantukin Manipur ram ah hramsih in Myanmar ram kong ah a rak i thlak lem lo. Asinain kum 2021 Myanmar rambuai hnuah ZRO/ZRA kuttang ZRA-Eastern Command ralkap hna hi East Lairam chung ah ralhraang dohkalhtu CDFs a dohtu an si.
Tedim, Tonzaang, Cikha peng ah hmun an khuar theo i CDFs riahbuk hna zong an nam pah lengmang hna hnuah CNF/CNA cu an va kah pah lengmang hna. 2024 Biangreithlep ah Chinland Cozah , runvennak zung hruainak in Tonzaang khuapi laaknak ah ralhraang le ZRA-EC hi an i bawm.
Cucaah Chin hrinsor hna i doh cu ZORO an lung a nuamh lo caah remdaihnak um kho dingin kar an hlaang.
Zo Reunification Organization (ZORO) hi British nih rak thenmi Chin hrinsor hna India, Myanmar, Bangladesh i a umkmi hna i funtom duhtu le cawlcangmi an si. The Lairam Times
Leave a Reply