Breaking News: Suimilam 1:00am In Tuhi Hakha Ah Inn A Kangh Cuahmah Lio Asi Ee.

Tuhi Hakha Khuachung inn a kangh cuahmah lio asi ee. Khoika lei in dah mei a thawh ti zong kan thei kho rih lo. Tuhi a kangh cuahmah lio asi.

Thawngpang dang: Lashio Peng Ah Leutenant Colonel, Major Le Captain Telh In SAC Ralkap 317 Cu MNDAA Sin Ah Hriamnam He An I Ap. Shan ramkulh chaklei, Lashio peng chung ah Leutenant Colonel pakhat, Major pahnih le Captain 5 telh in SAC ralkap 317 nih hriamnam an chiah i MNDAA sin ah an i ap kong, MNDAA nih an thanh.

July 21, zinglei suimilam 10:00 hrawng ah khan Leutenant Colonel pakhat nih Major pahnih a auh hna i Captain 5 tiin an kuttang ah a um mi SAC ralkap pawl cu an hruai hna hnu ah MNDAA sin ah hriamnam chiah in an i ap dih hna. SAC ralkap 317 cu hramhram in nawlngeihnak latu Min Aung Hlaing uknak ṭha lo hram bongh ding ah tel aa tim mi an si, tiah MNDAA nih an thanh.

Hriamnam he aa ap mi SAC ralkap pawl cu MNDAA nih lunglawm tein an cohlan hna i tualchung hriamtlai phu sin ah kahdohnak ah tel an i timh mi zong an lungtlinpi hna, a zaw mi SAC ralkap cheukhat zong MNDAA sii lei ṭuanvo ngeitu nih an thlopbul hna. SAC ralkap pawl nih MNDAA sin ah hriamnam an pek mi zong a tam ngaingai, tiah theih a si.