Thantlang Peng Mipi Nih Ralring Taktak Ding: Lungkhar Ralhrang Ramtang In An Zaam Caah, Khua Leng Chuak Ralring Taktak Rih Ding

Lungkhar SAC Ralhrang Ramtang Ah An Zam Caah Ramtang Chuahvah I Ralring Hna U Sih! Lungkhar tlang lei ralhrang camp hna, CC ralkap nih an laakmi ah ramtoi ah ralhrang a tlizaam mi an tam ngai kan theih. Ralrin bia: Lungkhar zaam ralhrang hna hi khoika umkalnak hngal loin khuate hna an hung chuak kho, ramtoi ah an vahvaih khawh caah tulio cu ramlak umkal zong vun hrial cio rih ah tha lai. Cun Jet Vanlawng kha Hakha ralhrang bawi nih nih an au ko nain Naypidaw lei in an rak thlah kho lo tiah kan theih. Salai William Hlawnceu

Thawngpang dang: Hakha-Thantlang Kar SAC Ralkap Sakhaan 3 CNA le CDFs nih an Laak Cang. Hakha le Thantlang karlak ah a um mi SAC ralkap hmunkhuarnak pawl cu July 21 zaan thawk in Chinland Council chungtel CNA le CDFs ralkap pawl nih doh hram an thawk i sakhaan pathum an laak khawh cang, tiah CNF/CNA chimnak nawlngei Salai Htet nih a fehter.

Salai Htet Ni nih, “Hakha le Thantlang karlak ah a ummi SAC ralkap sakhaan pawl thianhhlimhnak kan tuah hna. Sakhaan pathum kan laak cang. Atu hi a dang sakhaan pakhat kan doh lio a si,” tiah media ah a chim.

Lungkhar SAC ralkap hmunkharnak le Auto tlang cu “Tilim Operation 4” min in CNA le CDFs ralkap pawl nih an doh i, nihin zinglei ah khan Lungkhar ah a ummi sakhan pawl an laak khawh cang i Auto tlang sakhaan a taang.

Bawmhnak pek ding in Hakha khua in SAC ralkap mawtaw pahnih zong nihin zinglei ah khan an i thawh, tiah tualchungmi nih an chim.

Lungkhar ah a ummi CNA le CDFs ralkap hmunkharnak pawl cu 2023 May thla thih lei ah khan SAC ralkap nih faak piin an rak doh i, June thla zarh khatnak ah an rak laak khawh.  SAC ralkap nih Lungkhar an laaknak kum khat fai a rauh hnu ah CNA le CDFs nih Lungkhar an laak khawh ṭhan hi a si. July 22 || The Hakha Post