Myanmar ram caan karlak president rian tlai tu U Myint Swe nih a rian vialte cu nihin July 22 ah SAC ralbawizik Min Aung Hlaing sinah a pekchanh kong SAC nih an thanh.
U Myint Swe cu a ngandam nak a that lo caah sii-zung ah aa thlop cuahmah lio a si i cu karlak ah ramrian a tuan khawh ding a si lo caah a tu bantuk in president rian cu Min Aung Hlaing sin ah pek chanh a si kong SAC nih an langhter.
Lakhruak caan tiin SAC nih thla 6 ah voi khat a nawlngeihnak a sauh tawn mi cu tu thla July 31 ah a dih cang ding a si i cu rian peh khawh nak ding ah a biapi mi minung U Myint Swe le Pu Henry Van Thio hna an um ti lo caah a tu bantuk in Min Aung Hlaing nih president rian a laak hi a si. Crd: CBN NEWS
Thawngpang dang: Hakha-Thantlang Kar SAC Ralkap Sakhaan 3 CNA le CDFs nih an Laak Cang. Hakha le Thantlang karlak ah a um mi SAC ralkap hmunkhuarnak pawl cu July 21 zaan thawk in Chinland Council chungtel CNA le CDFs ralkap pawl nih doh hram an thawk i sakhaan pathum an laak khawh cang, tiah CNF/CNA chimnak nawlngei Salai Htet nih a fehter.
Salai Htet Ni nih, “Hakha le Thantlang karlak ah a ummi SAC ralkap sakhaan pawl thianhhlimhnak kan tuah hna. Sakhaan pathum kan laak cang. Atu hi a dang sakhaan pakhat kan doh lio a si,” tiah media ah a chim.
Lungkhar SAC ralkap hmunkharnak le Auto tlang cu “Tilim Operation 4” min in CNA le CDFs ralkap pawl nih an doh i, nihin zinglei ah khan Lungkhar ah a ummi sakhan pawl an laak khawh cang i Auto tlang sakhaan a taang.
Bawmhnak pek ding in Hakha khua in SAC ralkap mawtaw pahnih zong nihin zinglei ah khan an i thawh, tiah tualchungmi nih an chim.
Lungkhar ah a ummi CNA le CDFs ralkap hmunkharnak pawl cu 2023 May thla thih lei ah khan SAC ralkap nih faak piin an rak doh i, June thla zarh khatnak ah an rak laak khawh. SAC ralkap nih Lungkhar an laaknak kum khat fai a rauh hnu ah CNA le CDFs nih Lungkhar an laak khawh ṭhan hi a si. July 22 || The Hakha Post
Leave a Reply