Pa Swe Thang Langle chungkhar nih CDF-Matupi Battalion 2 caajh dollar 10,000.00 an pekchanh. Chinram: CDF Matupi Tatzin-2 (Vakok Battalion) caah US ram khuasa mi Pa Swe Thang Langle Family nih USD 10,000.00 bak an pekchanh tiah theih a si.
CDF-Matupi B2 cu Chinland Council chungtel an si i, Chinram ah SAC Ralhrang le kan ram a chuttu pohpoh kahdohnak ah aa tel pengmi a si. Atubantuk in ram le miphun dawtnak taktak he chawva pechaantu Pa Swe Thang Langle chungkhar hna cungah Bawipa Pathian nih thluachuah pe chin ko hna seh.
Thawngpang dang: U Myint Swe cu ralhraang bawizik Min Aung Hlaing nih uknak caan a sauh khawh nak ding ah a biapi cem mi a si. thla 6 ah voikhat in nawkngeihnak caan sauh dingah Defense and Security Council (ကာ/လုံ) a au kho tu cu president Myint Shwe lawng lawng a si.
2023 kum thokka U Myint Swe cu a ngan a dam tuk ti lo kha Min Aung Hlaing nih a theih. Ruah lo piin U Myint Shwe a thih ah cun Pu Henry Van Thio cu President ah a kai ding a si.Pu Henry Van Thio cu NLD cozah chan ah Vice President rian a rak tuan mi a si caah Min Aung Hlaing nih 100 ah 100 a control khawh lo ding a thin a phaang.
Cu caah Pu Henry Van Thio cu a luancia April 22 ah khan a ngandamnak lei a tha tilo tiin Vice president sinak in an dinh ter.SAC nih aa tlaih mi 2008 phunghrampi ah SAC ralbawizik nih president le Vice president hna hi an rian in a dinh ter khawh hna timi aa tial lo. Cu caah 2008 phunghrampi ningin kan kal a ti lengmang mi SAC hna nih an phung lila an buar mi a lang khun.
Laak hruak in thla 6 caan an sauh mi cu tu thla July ah a dih ding a si cang i hi hnu thla 6 nawlngeihnak laak than dingah a biapi mi U Myint Swe le Pu Henry Van Thio an um ti lo caah SAC nih uknak/nawlngeihnak an hmuh khawh nak ding ah lam pakhat khat cu a tuah a hau cang. SAC ralbawizik Min Aung Hlaing nih a tuah te dingmi thil phun (3) a um. Cu hna cu a tanglei bantuk hi an si hna.
Leave a Reply