CB Operation Kalnak Lamkip Ah CC Ralkap Nih Bomb Tarh Le Lam An Hrawh Tiah AA Kuttang CDF-Matupi B1 Nih Cathanh An Chuah.

CB Operation Kalnak Lamkip Ah CC Ralkap Nih Bomb Tarh Le Lam An Hrawh Tiah AA Kuttang CDF-Matupi B1 Nih Cathanh An Chuah. AA kuttang Chin Brotherhood (CB) nih Matupi khuapi lak khawh in Chinland Council ralkap hna he atu ni tiang kahdohnak a chuak. CB nih kan humhakmi khua a taang rih mi ralhrang sakhan hna cu pehzulh in lak ding kan i timhtuah lio pi a si i, hriamnam zong kan i thiar cuahmah lio pi a si.

Asi nain AA le CB nih kan zulhmi lamkip ah CNA nih hruaimi Chinland ralkap hna nih Bomb an tarh, lam le hlei an hrawh pin ah a thli in an rak kan bawh i an kan kah lengmang caah Bomb thianh hlimhnak kan tuah hlan lo mipi hna nih khualtlawn le umkal i ralring u tiah AA kuttang CDF-Matupi (B1) nih July 19 ah cathanh an chuah.

Thawngpang dang: U Myint Swe cu ralhraang bawizik Min Aung Hlaing nih uknak caan a sauh khawh nak ding ah a biapi cem mi a si. thla 6 ah voikhat in nawkngeihnak caan sauh dingah Defense and Security Council (ကာ/လုံ) a au kho tu cu president Myint Shwe lawng lawng a si.

2023 kum thokka U Myint Swe cu a ngan a dam tuk ti lo kha Min Aung Hlaing nih a theih. Ruah lo piin U Myint Shwe a thih ah cun Pu Henry Van Thio cu President ah a kai ding a si.Pu Henry Van Thio cu NLD cozah chan ah Vice President rian a rak tuan mi a si caah Min Aung Hlaing nih 100 ah 100 a control khawh lo ding a thin a phaang.

Cu caah Pu Henry Van Thio cu a luancia April 22 ah khan a ngandamnak lei a tha tilo tiin Vice president sinak in an dinh ter.SAC nih aa tlaih mi 2008 phunghrampi ah SAC ralbawizik nih president le Vice president hna hi an rian in a dinh ter khawh hna timi aa tial lo. Cu caah 2008 phunghrampi ningin kan kal a ti lengmang mi SAC hna nih an phung lila an buar mi a lang khun.

Laak hruak in thla  6 caan an sauh mi cu tu thla July ah a dih ding a si cang i hi hnu thla 6 nawlngeihnak laak than dingah a biapi mi U Myint Swe le Pu Henry Van Thio an um ti lo caah SAC nih uknak/nawlngeihnak an hmuh khawh nak ding ah lam pakhat khat cu a tuah a hau cang. SAC ralbawizik Min Aung Hlaing nih a tuah te dingmi thil phun (3) a um. Cu hna cu a tanglei bantuk hi an si hna.