Chin ramkulh,Tonzang khuapi chung ah ZRA-EC he pehtlaihnak a ngei mi dawng 15 leng hna inn cu CDF-Tongzang nih an hrenh/khar piak hna i rikhiah mi dantatnak phaisa an liam i CDF-Tonzang sin an i fonh than ah cun an inn hna cu pek than an si lai tiah CDF-Tonzang rian ngeitu nih a chim. Zomi revolution Army – ZRA kutin CDF-Tonzang pasaltha 2 nunnak a liam lengah ngeihchiah thilri tampi zong an sungh kong,ZRA-EC an rak lor nak cu an supporter ruang ah a si kong, cu caah ZRA-EC nih an pekchanh than ve awk a si kong CDF-Tonzang ralbawizik nih a chim.
“SAC he rian a tuanti mi cheukhat ZRA-EC supporter pawl zong kan tlaih hna. An lung a fim hnu in phaisa tlawmpal kan liam ter hna,biakam nak min kan thut ter hna hnu ah kan thlah than cang mi zong an um.ZRA-EC he aa pehtlai lo nain thil dang kong ah tlaih mi zong an um.an nih tu cu phaisa zei hmanh kan liam ter hna lo i kan thlah than hna.hi hnu zong ah inn cheukhat hrenh awk an um rih.” tiah CDF-Tonzang rianngeitu nih cun Chin World ah a chim.
A tu bantuk in ZRA he aa pehtlai mi pawl kan tlaih hna i an inn kan hrenh piak mi hna hi an lungfim seh ti kan duh caah si.an mah pawl hi thah le nawn ding timi cu a hlan tein ruahnak kan ngeih mi a si lo tiah a chim chap. Tonzang khuapi cu CDF-Tonzang telhin Chinland Council ralkap hna nih an rak laak hnu ah Tonzang Township council an dirh i cutin ukhruainak an kalpi lio a si
Thawngpang dang: Lungmili Post | Chiapa 18 | 2024, India, Mizoram ramkulh in Rakhine ramkulh lei ah luhpi an timh mi datsi ṭengki lung 24 cu Young Lai Association (YLA) le palik hna i bawm in an tlaih ṭhan, tiah theih a si.
Nihin 2024, July 18 ni zanṭim suimilam 12:15 tluk ah Rakhine ramkulh lei ah luhpi an timh mi datsi ṭengki lung 24 cu Young Lai Association(YLA), Diltlang Sub-Hqrs le palik hna i bawm in an tlaih, tiah thawng laaknak hrampi pakhat nih a chim.
“An tlaih mi datsi lung 24 cu Pick-up motor 4 in an rak phorh i Mizoram ramkulh, Lunglei lei in Rakhine ramkulh lei ah luhpi an timh ruang ah Lawngtlai pengkomh chung hmunhma pakhat ah an tlaih hi a si,” tiah a chim chap.
A luancia July 2 ni zong ah Rakhine ramkulh lei ah luhpi an timh mi Diesel ṭengki lung 57 cu CYLA nih an rak tlaih i July 15 ni zong ah Diesel ṭengki lung 19 an tlaih, tiah theih a si.
Rakhine ralkap AA nih Chinmi hna cung ah kahdohnak pehtlai in a tuah ruang ah Mizoram hrambunh Central Young Lai Association (CYLA) nih 2024, June 24 thawk in Rakhine ramkulh lei a
Leave a Reply