CNDF Ralkap aa pehtlaimi minung 2 Riit-hai-sii He An Tlaihmi hna kongah CNDF ralkap an Si Lo Tiah Salai Peter Thang Nih A Phehthuhpiak hna. 2024 July 16 ahkhan Mizoram le Tio ramri pakhat ah CNDF ralkap 2 Riithaisii le Yaba siitlang he an tlaih mi hna cu Salai Peter Thang nih CNDF an si lo mi sawhsawh an si tiah a pheh piak hna.
“Rithaisii he an tlaih mi hna 2 nih an riantuanmi ah CNDF tiin an chim mi kongah CNDF cu phu pakhat min a si, riantuan mi phu min a si lo, CNDF min chiatter duh ah a tlaitu hna nih an tial hramhram mi a si i, CNDF ralkap an si lo” tiah Salai Peter Thang nih a phehthuh piak hna.
CNDF Ralkap he aa pehtlaimi minung 2 hi Mizoram le Tio ramri ah CDF le CNA hna nih an check hna i, riithaisii tampi le phaisa tampi he an tlaih hna. Anmah pumpak zong nih CNDF he aa pehtlaimi an sinak an i phuang tiah theih a si. Atanglei ah an min le an sining hmanthlak ah zoh khawh a si.
Thawngpang dang: Lungmili Post | Chiapa 18 | 2024, India, Mizoram ramkulh in Rakhine ramkulh lei ah luhpi an timh mi datsi ṭengki lung 24 cu Young Lai Association (YLA) le palik hna i bawm in an tlaih ṭhan, tiah theih a si.
Nihin 2024, July 18 ni zanṭim suimilam 12:15 tluk ah Rakhine ramkulh lei ah luhpi an timh mi datsi ṭengki lung 24 cu Young Lai Association(YLA), Diltlang Sub-Hqrs le palik hna i bawm in an tlaih, tiah thawng laaknak hrampi pakhat nih a chim.
“An tlaih mi datsi lung 24 cu Pick-up motor 4 in an rak phorh i Mizoram ramkulh, Lunglei lei in Rakhine ramkulh lei ah luhpi an timh ruang ah Lawngtlai pengkomh chung hmunhma pakhat ah an tlaih hi a si,” tiah a chim chap.
A luancia July 2 ni zong ah Rakhine ramkulh lei ah luhpi an timh mi Diesel ṭengki lung 57 cu CYLA nih an rak tlaih i July 15 ni zong ah Diesel ṭengki lung 19 an tlaih, tiah theih a si.
Rakhine ralkap AA nih Chinmi hna cung ah kahdohnak pehtlai in a tuah ruang ah Mizoram hrambunh Central Young Lai Association (CYLA) nih 2024, June 24 thawk in Rakhine ramkulh lei a
Leave a Reply