An Hawile Nih Harsatnak An Ton Le Cangka In An Rak Hlawt Hna Tikah An Caah Ngaihchiatuk Si

CNDF Nih Nizan Ah Rithaisii Ruang Ah Tlaihmi Minung 2 Cu Kanmah Minung An Si Lo Tiah Cathanh An Chuah! CNDF nih hiti cathanh an chuah tikah an members minung pahnih cu an hlawt hna bantuk a si.  Hi minung pahnih caah cun ngaihchia ngaingai a si.

CNDF tthawnnak dingah anmah le si khawh tawk ttihnung lakah an tuah ttuan ve mi cu, an hawile nih harsatnak an ton le cangka in an rak hlawt hna tikah an caah ngaihchiatuk si. Hi bantuk a dikcak lomi phu chung um a poinak cu hi bantuk ahhin a si. Nan lung fim cang ko ne uh.

Thawngpang dang: Lungmili Post | Chiapa 18 | 2024, India, Mizoram ramkulh in Rakhine ramkulh lei ah luhpi an timh mi datsi ṭengki lung 24 cu Young Lai Association (YLA) le palik hna i bawm in an tlaih ṭhan, tiah theih a si.

Nihin 2024, July 18 ni zanṭim suimilam 12:15 tluk ah Rakhine ramkulh lei ah luhpi an timh mi datsi ṭengki lung 24 cu Young Lai Association(YLA), Diltlang Sub-Hqrs le palik hna i bawm in an tlaih, tiah thawng laaknak hrampi pakhat nih a chim.

“An tlaih mi datsi lung 24 cu Pick-up motor 4 in an rak phorh i Mizoram ramkulh, Lunglei lei in Rakhine ramkulh lei ah luhpi an timh ruang ah Lawngtlai pengkomh chung hmunhma pakhat ah an tlaih hi a si,” tiah a chim chap.

A luancia July 2 ni zong ah Rakhine ramkulh lei ah luhpi an timh mi Diesel ṭengki lung 57 cu CYLA nih an rak tlaih i July 15 ni zong ah Diesel ṭengki lung 19 an tlaih, tiah theih a si.

Rakhine ralkap AA nih Chinmi hna cung ah kahdohnak pehtlai in a tuah ruang ah Mizoram hrambunh Central Young Lai Association (CYLA) nih 2024, June 24 thawk in Rakhine ramkulh lei a