Falam Le Rih A Phan Mi AA Pawl Cu CB He Pehtlai In Bang-Drugs A Zuar Ding An Si An Tleih Diam Cang Hna CC Ralkap Nih. Thawngpang le thil sining tete theih peng nan duh ah cun, The Chinland Information page hi (follow) nak in rak leng ve uh.
17 July 2024- Tu lio hrawngah mipi thinlung a kan buaiter ngaih mi thawngpang cu, AA Arakan army Chin Brother-hood an pu le pawl Falam khua le Rih ah an lut timi thawngpang si. Asinain CNA kan pu le sinin thawngpang kan theih mi cu, Bang-Drugs zuar dingah a rami Chin Brother-hood he a pehtlai mi an si ti, ah thawngpang kan theih.
Tuchun ah khan bangzuar dingah a rami AA pawl cu Chinland Council ralkap nih an tleih hna i, Chin Brother-hood nih CNA kan pu a simi, Puite an chon tikah, Kan nih Chinland Council cozah cu bang-Drugs pawl zuar a duh mi kan silo tiin an tleih hna.
Relchap: Naypyidaw khuapi um Ayelar vanlawng bual cu nihin July 16 zing ah 107MM Shock Missile in an kah i van ralkap (Air Force) Officer 4 telh in SAC ralhrang 16 an thih pin ah raltuknak vanlawng 2 telh in vanlawng 3 le building pawl zong an rawk, tiah Mountain Knights Civilian Defense Force (MKCDF) in ṭuanvo ngeitu nih a chim.
Zing suimilam 9:00 tluk ah Ayelar vanlawng bual cu 107MM Shock Missile lung 7 in an kah i lung 5 cu an i tinhnak hmun ah a puak i van ralkap Officer 4 telh in SAC ralhrang 16 an thi. Cu pin ah A-5 Bomber Jet Fighter 1 cu hman awk ṭha lo in a rawk i a dang Jet Fighter 1 le Y-12 Military Transport Aircraft 1 zong an rawk, tiah theih a si. Cu bantuk ṭhiam in building 4, hriamnam chiahnak inn 1, vanlawng remhnak thilri chiahnak inn hna cu an kaang i van ralkap Officer 3 le a dang SAC ralhrang 7 zong an tlau, tiah Khit Thit nih a ṭial.
Kahdohnak cu Mountain Knights Civilian Defense Force (MKCDF) le Mercury Revolution Force (MRF) nih Brave Warriors for Myanmar (BWM) hruainak in an kalpi mi a si i dohthlenak hriamtlai phu hna cu him tein hnulei an pil kho ṭhan, tiah theih a si. Kahdohnak a daih hnu ah SAC ralhrang pawl nih Ayelar vanlawng bual pawng um khuate 7 cu meithal puah bu in an luhhnawh i tualchung mi 12 cu a ruang um lo in an tlaih hna, tiah theih a si.
“Naypyidaw khuapi luhnak lam cu July 12 thawk in atu tiang humhimnak an laak. Kan ralkap hna nih Ayelar vanlawng bual an kah bak in SAC ralhrang pawl nih an zumhnak hmun paoh cu an kulh dih i khuate 7 cu luhhnawh in mi an kawl. Khua kiangkap thlai cinnak hmun pawl cu hriamhme le seh meithal in an kah i an lunghrinh mi hna minung 12 cu an tlaih hna i an kalpi hna,” tiah Mountain Knights Civilian Defense Force (MKCDF) in ṭuanvo ngeitu nih a chim. Naypyidaw khuapi um Ayelar vanlawng bual cu atu tan he hin a voi 5nak an kahdoh a si cang, tiah kan theih.
Leave a Reply