Chin Mipi Caah Eidin Thikherh Phor Mi Motor 80 A Khamtu Hna UICO YDF Hi Chin Mipi Ceilak Phaisa Rak Bawmh Mi Kha Dawh An Si Hi Mu, Tha Te Rak Zoh Uh

A tu Gangaw in Chinram lei kai motor 80 lenng  akhamtu YDF hna hi Chin mipi nih biatak tein rak bawmh ve mi an si. Kan lungfim cikcek cang lai dah! hmailei ralrin thiamnak tu sihram ko seh. Motor an khammi hi CC/CNF motor a silo, anmah a bawmtu Chin mipi caah eidin thikherh phor mi motor dahkaw  an kham cuh. Chin mipi nih $60,000 tluk dahkaw rak bawmhmi an rak si. Crd: Salai William HC

Thawngpang dang: Chinram-Magway ramṭhen ramri hmun khat ah CNF/CNA nih an rak tlaih mi hna YDF ralkap pahnih cu nihin July 12 ah thlah ṭhan an si cang kong, YDF ṭuanvo ngei pakhat nih a chim.

“CNF/CNA nih nihin ah an thlah ṭhan cang hna, kan sin belte ah an phan rih lo. Anmah he zong ṭha tein kan i pehtlai kho cang. Ceihmainak zeihmanh a um rih lo i kan ralkap pahnih an phanh hnu ah zei bantuk dah an ton tibantuk le thil sining cu dikhliar in chim awk a ṭha te lai,” tiah YDF hruaitu pakhat nih a chim.

Chinram, Matupi peng le Magway ramṭhen, Gangaw peng ramri, Zawngnak khua ah a luancia July 7 ni ah rak tlaih mi YDF thilri lei tlaitu ṭuanvo ngei ralkap Oke Thein le YDF thilri lei tlaitu chungtel ralkap Aung Thet Khine cu ni 6 a rauh hnu ah CNF/CNA nih an thlah ṭhan cang hna, tiah theih a si.

YDF ralkap pahnih tlaih an ton hnu in Chinram lei ah kai aa tim mi motor 70 leng cu YDF nih Gangaw peng ah an kham dih hna i nihin tian an hren rih hna. YDF ralkap pahnih sakhan an phanh hnu lawng ah motor lampi hon an timh kong, YDF in ṭuanvo ngei pakhat nih cun a chim. Yaw Defense Force (YDF) cu Matupi khuapi kahdohnak ah Rakhine ralkap AA kuttang ah ral a tu ve mi hriamtlai phu khat an si.