Minung Fa Sive Ko Mi Saram Sa Bantuk In A Taksa Can Dih Ko Cu Mu Lai Miphun Kan Chan Chungah Philh Khawh Asi Ti Lailo.

Minung fa sive ko mi Saram sa bantuk in a taksa can dih ko cu mu Lai Miphun kan chan chungah philh khawh asi ti lailo. Zeibantuk thatnak hmanh kan caah tuah tthan hnasehlaw, Tutang ii kan Chin pa cung ii an tuah sernak hi cu kan philh kho ti lailo. Chin Brother-Hood a timi nih anmah tein raldoh ngamh tunglo in an ii sawmh mi AA pawl nih Chin Pa Saram sa can bantuk in a sa an can dih tiah mithmu tu chung in kan theih.

Relchap: Wa Ralkap Pawl Shanram Chaklei Tangyan Khua Tiang an Lut Cang . TNLA, MNDAA le AA nih Operation 1027 Part 2 min in kahdohnak an tuah cuahmahnak Shanram chaklei ah a um mi Tangyan khua tiang Wa ralkap pawl an rak lut ve cang, tiah theih a si.

Wa ralkap thazaang tampi cu mawtaw pawl in Thanlwin Tiva hlei an rak tan i, Thanlwin tiva nitlaklei ah a um mi Tangyan khua ah an rak lut, tiah thawngpang hram nih BBC sin ah an chim. Shanram chaklei kahdohnak a fah cuahmah lio ah zei ruang ah dah Wa ralkap pawl hi Tangyan khua ah an rak luh ti mi fiang in theih a si rih lo.

Wa hriamtlai hi Northern Alliance (TNLA, MNDAA, AA) nih hawikom ṭha ah an ser mi a si nain Operation 1027 ah Wa hriamtlai nih langhngan ngaingai in a telpi hna lo. Asinain, Operation 1027 lio ah Northern Alliance nih an rak laak mi Hopang khua le Panlon khua cu Wa hriamtlai sin ah an ap, tiah theih a si. The Hakha Post

Thawngpangdang: Sagaing ramṭhen, Kalaymyo, Kyoethoepin sang, Sinywar lamṭhen pawng ah motorcycle aa cit mi pakhat nih Kyoethonepin sangbawi cu motorcycle in a kal lio ah a kah i hmunril ah a thi. A pawng ah Uniform lo in humhimnak a la mi SAC ralkap pawl nih an kah colh ve i hmunril ah a thih colh ve kong, Kalaymyo tualchung mi nih Chin World Media an chimh.

“A voi khatnak i kah a tong mi hi sangbawi tiah an chim lo nain a herh mi catlap aa ken mi pawl zoh tik ah sangbawi ṭuan ding mi pakhat cu a si. Tualchung hriamtlai phu nih voi khat an rak tlaih bal cang nain an thlah ṭhan. Tuzing cu a nupi he dawr in an ṭin lei a si i an hnulei in motorcycle in a kal mi pakhat nih lamkawi ah meithal in a kah tiin kan theih,” tiah Kalaymyo tualchung mi pakhat nih a chim.

Kah a tong mi Kyoethoepin sangbawi pa ruak cu siizung in inn ah an phanhpi cang i thaizing July 12, zanlei suimilam 3:00 hrawng ah an vui te lai, tiah tualchung mi nih an chim.

“Sangbawi pa a kaptu pakhat cu SAC ralkap nih a ruak an char colh lo, atu zong Kalaymyo siizungpi ah hlamtu ngei lo in a ruak cu a um ko. Atu tiang hi ahohmanh nih an hlam rih lo,” tiah Kalaymyo um mi pakhat nih a chim. Nihin i Kyoethonepin sang chung meithal kahnak chuah ruang ah boruak zeihmanh aa dang hlei lo i cuka sang chung le lampi cung zong a