Tedim Khuapi Ah Ral A Zaam Mi An Kir Pah Hna I Sianginn Zong An Hon Ṭhan Cang. Chinram, Tedim khuapi kahdohnak ruang ah ral a zaam mi tualchung mi cu inn ah an tlung pah ṭhan cang hna i sianginn cheukhat zong an hon ṭhan cang, tiah theih a si.
Nizan July 2 ni zong ah CMBC Khrihfabu nih Kalaymyo ah ralzaam in aa dor mi an Khrihfabu chungtel pawl cu Khrihfabu motor in Tedim khuapi ah an thlah hna i July 1 ni thawk in Tedim khuapi ah sianginn zong an hon ṭhan cang hna, tiah theih a si.
“Taingen lampi hon ṭhan a si hnu ah ni khat hnu ni khat in Tedim khuapi ah a kir mi an tam. Khrihfabu cheukhat hna cu zarhpini zong ah an i pumkhawm kho cang. Tlunnak Inn a ngei ti lo mi dah ti lo cu an kir pah dih ngawt cang hna,” tiah Tedim khuapi ah a um mi pakhat nih a chim.
A luancia May 27 ni ah Tedim khuapi ah SAC ralkap le Chin Brotherhood kar kahdohnak a fah hnu ah SAC nih Tedim khuachung inn 60 leng ciam dih in an khangh i hriamngan ruang ah inn tam ngai a rawk, tiah theih a si. The Chin Post
Thawngpang dang: AA Le Chin Brother-hood Kut Bakin CNA Sualnak, Palhnak A Ngeih Lomi Mah Vialte An Nunnak A Liam Kan Theih Ko Buin, Remhdeih Nak Serh Kong Kan Ceih Peng Mihi Kan Piangthar Tuk Hna Sisual Maw? Misual SAC Ralhrang doh dingin a kal komi hna,hramhram in ngethlem bakin an kah ko mi hna, an thah ko mi hna nan theih nan hngalh ko buin Remhdeih kong nan ceih peng ko.
Chinland Council Cozah nih Matupi Operation thok hlanah voi zeizat dah i fonh hna u sih. Hmunkhat ah ram serhsiam tti hna u sih. An ti cang hna voi zeizat dah kan duh lo kan nih cu kan mah tein kan ram le kan khua kan i vengh ko lai an ti i, a thli tein AA an sawmh hnuah Ngethlem in Chinland Council Ralkap CNA An Kah hna i, an thah mi hna kan mit nih a hmuh i kan hhna nih a theih cio ko hita.
Kain nih a unau pa Able a thah i, a thisen a luanter mikha Pathian nih Kain kha a zoh sawhsawh maw?! Able thisen nih Pathian thinlung chungah zeitin dah rian a ttuan, Sualnak ngeih lo Able Thisen nih Pathian a auh bantuk in, Sualnak ngeih lo kan pasaltha hna Thisen nih Chinmi mifim, lungfim, Ram le miphun, Pasaltha hna a daw mi hna thinlung auh ve seh. Crd: The Chinland Information
Leave a Reply