Mindat Council nih CDF Mindat Chief of Staff Salai Thang Chawm Phe sin ah Cakuat an tial. Mindat peng chung ah hmunkhuarmi Mindat Council ralkap le CNA ralkap hna cu Thang Chawm Phe order in an va kah hna tiah theih a si. Cucaah Mindat peng chung ah mah le mah kahnak a chuahmi kong ah pumpak in siseh, phu min in siseh kahdohnak order a chuah a si ahcun techinfapar tiang tuanvo an laak lai tiah an langhter.
Mindat Council nih cun mah le mah kahdohnak hi lehrulh kan duh lo caah kanmah le kanmah cu ceihhmai biaruahnak lei tu hi kan ruah a hau tian an langhter. CDF Mindat nih Mindat peng chung a ummi Mindat Council chungtel poh le CNA cu tlaihkhih dingin le kahthah dingin a kawl cuahmah hna tiah theih a si.Crd: Chinland News
Thawngpang dang: AA Le Chin Brother-hood Kut Bakin CNA Sualnak, Palhnak A Ngeih Lomi Mah Vialte An Nunnak A Liam Kan Theih Ko Buin, Remhdeih Nak Serh Kong Kan Ceih Peng Mihi Kan Piangthar Tuk Hna Sisual Maw? Misual SAC Ralhrang doh dingin a kal komi hna,hramhram in ngethlem bakin an kah ko mi hna, an thah ko mi hna nan theih nan hngalh ko buin Remhdeih kong nan ceih peng ko.
Chinland Council Cozah nih Matupi Operation thok hlanah voi zeizat dah i fonh hna u sih. Hmunkhat ah ram serhsiam tti hna u sih. An ti cang hna voi zeizat dah kan duh lo kan nih cu kan mah tein kan ram le kan khua kan i vengh ko lai an ti i, a thli tein AA an sawmh hnuah Ngethlem in Chinland Council Ralkap CNA An Kah hna i, an thah mi hna kan mit nih a hmuh i kan hhna nih a theih cio ko hita.
Kain nih a unau pa Able a thah i, a thisen a luanter mikha Pathian nih Kain kha a zoh sawhsawh maw?! Able thisen nih Pathian thinlung chungah zeitin dah rian a ttuan, Sualnak ngeih lo Able Thisen nih Pathian a auh bantuk in, Sualnak ngeih lo kan pasaltha hna Thisen nih Chinmi mifim, lungfim, Ram le miphun, Pasaltha hna a daw mi hna thinlung auh ve seh. Crd: The Chinland Information
Leave a Reply