Japan Le Korea Um Chin Mino Hna Nih Chinland Council Le Chin Brother-hood Remhdeih Nak Serh Dingin Ca An Chuah. Tu lio cu dohtlennak tuah a si lio bantuk in kan nih Japan le Korea um mi mino zong nih tthazang tampi kan rak chuah ve.
Ralhrang kan dohnak ah kan mah Chinmi le chinmi karlak ah kahdoh nak a um timi thawngpang kan rak theih tikah kan lung a ra fak. Chinland Council le Chin Brother-hood karlak ah buainak tete um mihi ralhrang bangin hriamnam in chimfel hlah uh ti kan duh.
Tu chinmi le chinmi karlak buainak hi caan sau kalpi a siri lo bantuk in remhdeih nak nan tuah khawh tthan timi zumhnak kan ngeih. Cu caah cabuai cungah remdeih nak rak tuah uh law tiin Japan le Korea um chin mino hna nih cakuat le sawmhnak an tuah. Crd:Thechinland information
Relchap: Chinram chungah duh poah in Chin Brother-hood huphen nak tangah a um mi AA riantuan nak hi Mizoram lei kan unau hna nih a tu ning tein an ram chungah thil luh khawh tilo dingin lam an phih peng ko hna a si ah cun ,thilri an herh mi an herh ningin an hmuh khawh ti lai lo caah a rauhlan ah hnu an sau lai. Chin Brother-hood hna nih AA herh baumi cuhlan an pek hna i an bawmh hna bantuk in an bawmh kho tilo ah cun, AA nih hnu an tawltak hna lai i, Chin Brother-hood le AA karlak tu ah buainak a chuak te lai.
Mizoram kan unau hna nih AA thilri herh baumi an ram ah luh khawh lo dingin an tuah piak cuahmah hna lio si bantuk in Petrol le Diesel pawl duh ningin an ngeih tila lo caah kee in cun Chinram ah fawi tein an rak kai kho ti lai lo.
Mah tikah AA nih Chin Brother-hood leiba a caw te lai i, Chin Brother-hood nih a pek kho ti lai lo caah an pahnih karlak ah buainak a chuak te lai timi cu zumh a si. Chinland ram chungah ralkap a dirh sawhsawh vemi pawl hna hi a dongnak ah cun an Pu Bik Chinland Council Cozah bawmh an herh thauthau te lai.Crd: The Chinland Information
Thawngpang dang: The Chin Post || 1 July 2024, Asia ram chung hmun kip ah a um mi Lainu hna nih an dirh mi, Lainu Helping Hands nih Chinland Council ca ah tangka Kyats 5,000,000 bawmhnak an pek mi cu tlamtling tein an hmuh cang kong, Chinland Council nih nihin July 1 ah an thanh.
“Chinland Council ca ah bawmhnak nan kan kuat mi tangka Kyats sing 50 cu a luancia June 25 ni ah khan tlamtling tein kan hmuh cang. Miphun ṭanpinak lungthin nan ngeih mi cung ah lawmhnak Roca kan in kuat hna. Bawipa Pathian nih thluachuahnak in pe ko hna seh tiin thlaza kan in campiak hna,” tiah Chinland Council nih Lainu Helping Hands sin ah lawmh bia an chim.
Lainu Helping Hands cu a liamcia 2021 February 10 ni ah Macau, China le Singapore telh in Asia ram chung hmun dangdang ah a um mi Lainu hna nih an rak dirh mi a si i pau dohthlennak ah hriam a tlai mi phu hna cu a lam kip in bawmhnak an pek hna i pengtlang thleidannak um lo in biatak tein dohthlennak ca ah thazaang a chuah mi an si.
Cu pin ah Myanmar ram chung le a hlei in Chinram chung ah a harsa deuh mi cu bawmhnak an pek hna i, zingzan eidin kong ah lungrethei in a um mi nuhmei pahmei hna zong bawmhnak an pek tawn hna. Cun, dam lo zawtfah ruang ah siizung a panh nain tangka kong ah a har deuh mi zong bawmhnak an pek tawn hna, tiah theih a si.
“Kan ralkap hna ca lawng ah si lo in nuhmei pahmei zong kan bawmh tawn hna. Bawipa nih lam kan hruai cio sehlaw damte i kan kawlhawl khawh cio ahcun atu bantukin hmailei zong ah bawmhnak pekchanh rian pehzulh in ṭuan kan i tim ko. Pengtlang thleidannnak um lo in le a tlawmtam ah buai lo in kan si khawh tawk cio kan thawhkhawm mi tete a si i Pathian lamhruainak thawng in nihin tiang kan ṭuan khawhnak a si,” tiah Lainu Helping Hands chungtel pakhat nih The Chin Post ah a chim.
Leave a Reply