Chin Ram Thawngpang Thar Thawngpang Tha He Thawngpang Chia He Theih Khawh Mi Dih Lak

Kan chin ram matupi khuapi cu kan lak khawh cang tiah CB nih cun nihin ah thawngthan nakl a tuah nihin june ni 29 ah matupi khuapi cu a ning pi in kan lak khawh cang ti in trhawngthan nak an tuah hi asi june ni 18 ah CC chinland ralkap nih hnahnawh nak a kan pek ruangah tuan ah kan lak kho lo ti in cathan ah an tarlang chih hi asi.

Chinram, Mindat peng ah chawnh a fawi ngai mi chungtlik zawtnak in a luancia June 23 ni ah minung pakhat a nunnak a liam ṭhan i chungtlik zawtnak ruang ah minung pathum an thi cang. Minung 12 sin ah chungtlik zawtnak a kai ve caah cu khua cu luhchuah an kham, tiah Mindat peng ralzaam zohkhenhtu phu in ṭuanvo ngei pakhat nih a chim.

Mindat peng ralzaam zohkhenhtu phu in ṭuanvo ngei pakhat nih cun, “Atu tiang chungtlik rai a thiang kho rih lo i a luancia June 23 ni ah khan minung pakhat a thi ṭhan. Khua 12 ah hi zawtnak hi a karh i cu Circle 10 chung ah khua khat cu luhchuah kham a si. Atu tiang ah minung pathum nih an kan liamtak cang, Paletwa lei hna ah cun hi rai hin minung 12 hrawng an thi cang. Sii-ai hi cu cawk awk a um pah ko nain a cawknak tu ah harsatnak an tong cio hna,” tiah a chim.

“Atu lio hi Mindat peng ah ralzaam 10,000 leng an um i Matupi khuapi kahdohnak ruang ah ralzaam an karh ngaingai caah zingzan eidin tirawl kong ah an harsa ngai hna, a hlei in sii-ai bawmhchanh an herh hna,” tiah Mindat peng ralzaam zohkhenhtu phu in ṭuanvo ngei pakhat nih cun a chim tiah na chim post nih a tarlang.

Rakhine ramkulh, Kyaukdaw khuami chawletthaltu pakhat nih, “Ruah lo piin lam an phih tik ah zeihmanh kan tuah manh lo. Kan thilri vialte lawngtlai ah an taang dih. A taang mi kan thilri pawl chuahpinak nawl kan pe ko u tiah kan nawl hna nain a kan onh lo,” tiah a chim.

Rakhine hriamtlai AA sin ah thilri a phak lo nakhnga CYLA nih June 24 thawk in Lawngtlai-Paletwa lampi a phih i nitin zantin in conghnak le zohfelnak an tuah.

“Eidtin tirawl le Petrol/Diesel a phor lo mi motor le tilawng pawl cu luhchuahnak nawl pek an si ko. Asinain, zeidah an phorh timi cheknak tha tein tuah a si,” Paletwa tualchungmi pakhat nih a chim.