CNA Le ZRA Nizan Kah Doh Nak Ah ZRA Lei A Thi Mi Zat CNF Upa A Si Mi Pu Daniel Sakhong Nih A Tang Lei Video Bantuk Hin A Chim

CNA le ZRA nizan kah doh nak ah ZRA lei a thi mi zat CNF upa a si mi Pu Daniel Sakhong nih a tang lei video bantuk hin a chim.

CNA Le Ṭangrual Hna Nih ZRA Sakhan Hme Pakhat An Lak, ZRA 11 An Thi May 1, 2024, Tedim peng Laitui khua i CNA/Ṭangrual phu hna le ZRA kahdohnak ah CNA lei in Van Hoi Thang a nunnak a liam i ZRA lei in 11 an thi tiah CNF upa a si mi Pu Daniel Sakhong nih US lei May 1, cawn nithumni zaan Chinlung Media tlangaunak ah a chim.

Cu lawng si loin ZRA sakhan a hme mi pakhat cu CNA le Ṭangrual hna nih an lak khawh tiah CNF chimnak nawlngeitu Salai Htet Ni nih The Chin Post ah a chim.

Kahdohnak a umnak lei hi phone line a ṭhat tuk lo caah thawngpang hlathlai a har i atu hi kan ṭial mi hi a hnubik theih mi an si. crd: the chin post Thenkhat ZRA 8 an thi I 11 hliam fak an tuar tiah tarlang asi a tang ah hin Pu Daniel Sakhong nih a chim mi video tawi zoh ngeih khawh asi.

Operation 1027 aa thawk hnu thla nga chung ah dohthlengtu ralkap hna nih Myanmar ram khuapi 54 an laak cang tiah April 30 chuak BNI-Myanmar Peace Monitor report nih a langhter.

Cu report ahcun 2023 October 27 in 2024 March thla dih tiang, thla nga chung ram pumpi kahdohnak kong an langhter mi a si.

Shan ramkulh Chaklei le Rakhine ah khuapi tamdeuh an laak i Sagaing ramṭhen, Chinram, Kachin ramkulh le Kayah (Karenni) ramkulh zong ah khuapi an laak hna tiah an langhter.

NUG le ṭangṭi phu nih an laak mi Sagaing ramṭhen chung Kawlin khua tu cu ni 90 chung ah SAC nih an laak ṭhan tiah an ṭial.

Cu thla nga chung ah cun AA cawlcanghnak Rakhine ramkulh ah kahdohnak a faak bik i voi 149 a cang. Sagaing ramthen ah kahdohnak voi 144 a cang i a pahnihnak a si ti zong an langhter.

Operation 1027 aa thawk hlan Myanmar ram pumpi ah kahdohnak voi 680 a chuak i, Operation aa thawk hnu thla nga chung ah kahdohnak voi 878 a chuak tiah report an an langhter.