Ka Nau Van Hoi Thang Na Thawng Kan Theih Cu A Poi Tuk Hrinhran Ko Ee

Ka nau Van Hoi Thang na thawng kan theih cu a poi tuk hrinhran ko ee na mui dawh he na siangbah meithal he na rem ning le kan I zohthla tuk mi ka nau Van Hoi Thang kan ram kan miphun dawt tuk ruangah maw.

CNA pasaltha Van Hoi Thang cu nihin May 1 ah ZRA he kah doh nak a chuak nak ah a nun nak a liam ti theih asi a poi tuk hrinhran ko tan tak mi chungkhar Bawipa tu nih hnemhram ko hna sehlaw.

Tedim Peng CNA le ZRA Kar Kahdohnak Ah CNA Ralkap Pakhat Nunnak A Liam Tedim peng, Laitui khua pawng ah nihin May 1 zing suimilam 12 in 4 tiang Chin National Army (CNA) le Zomi Revolutionary Army (ZRA) kar kahdohnak a chuak i CNA lei in ralkap Salai Van Hoi Thang nunnak a liam, tiah Zalen nih a ṭial.

Laitui khua cu Rihkhuadar le Tedim kalnak lam ramri ah a um mi a si i cuka hmun ah cun a luancia caan zong ah CNA le ZRA an rak i kap cang.

Hi kong he pehtlai in CNA lei cu pehtlaihnak kan tuah hna nain an phone a lut kho lo. Kahdohnak kong he pehtlai in kaphnih in thawngthanhnak an tuah mi a um lo i ZRA lei thi le hliam an um le um lo theih a si lo.