Upat Tlak Taktak Pasaltha Soe Myint A Nunnak A Donghni Tiang SAC A Dohtu

Upat Tlak Taktak Pasaltha Soe Myint A Nunnak A Donghni Tiang SAC A Dohtu ABSDF Ralkap Soe Myint 8888 lio chan in Pau Dohthlennak tiang hriamnam tlaih in SAC ralhrang a dohtu ABSDF chungtel ralkap Soe Myint (kum 66) cu thluak lei dam lo nak in April 29 ah a nunnak a liam tiah ABSDF nih a langhter.

Ralkap Soe Myint hi a thutnak in ruah lo pi’n a tlu, siizung ah an tlik pi manh ko nain thluak lei dam lo nak a si caah a nunnak a liam hi a si.

1988 in nihin Pau Dohthlennak tiang kahdohnak hmunkip ah aa tel mi ralkap tha pakhat a si nak kong, kahdohnak chung ah hliamhma voi tampi a tuar nain sii aa thlop i a dam bak in a ralkap rian a ṭuan nak kong,  raltuk thiamnak le ramkhel lei ah upat awktlak a si nak kong cu ABSDF nih a langhter. ABSDF hi NUG le tlangcung hriamtlai phu kip he SAC a dohtu ralkap phu an si. Credit: CCN Channel

28 April zan ah Bilin pengkulh Ta Gay Laung khua sianginn pathum cu timhciammam in a va kah. Raltuknak vanzuanglawng hmangin a kah hna hi si i, sianginn pathum pin ah khuachung inn le lo dang rawk zong an um. Hi bantuk tuksaphur tuahsernak hi sualnak ngei lo khua chung mi cung tinhchih tukkahnak a si tiah, Karen National Union (KNU) nih an chim.

Naite zong ah Min Saw khuate ah bomb an rak thlak cang, sianginn le inn-lo dang fak ngai in an rak rawh fawn. Hi bantuk vanlawng tukkahnak a tuah lio hi KNU hriamtlai he kahdohnak zeihmanh a um lo lio ah a si. Cucaah zei hngal lo ngakchia telh in khua mi cung tinhchih (targeted) kahdohnak tuah hi minung lungthin ngei lo tuahsernak a si, tiah an chimchap.