Malaysia ah Peter Biak Tha Cung a thattu Hrang Tin Thang cu Malay palik nih April 15 can 11:23pm ah Pudu sang ah an tlaih khawh cang, tiah theih a si. Atu hi palik sakhan ah an chiah i zeitindah bia an ceih lai? Zeitikdah an ceih lai ti a fiang rih lo.
Malaysia, Kuala Lumpur ah nizaan April 14 zanlei suimilam 3 hrawng ah Chinmi ngakchia kum 7 mi cu an umnak innpa ah a um ve mi Chin pa pakhat nih a thah, tiah theih a si.
Thah a tong mi ngakchia hi Chinram, Hakha peng Malsawm khua mi Pi Ṭha Tin Hnem fapa Peter Biak Ṭha Cung a si i, inn(floor) pakhat ah an um ṭipi mi Chinpa pakhat, Hmaikhah khua mi Hrang Tin Thang(21) nih a thah, tiah theih a si.
Atu thawngpang kan hlat tiang ah lainawngtu hi tlaih a si rih lo caah ṭuanvo ngeitu sinin thawngfiang theih khawh a si rih lo. Peter Biak Ṭha Cung hi amah hringtu a nu le a upa kum 12 mi hrawng he khua an sa ṭi hna, tiah theih a si. crd: the chin post
Leave a Reply