Maungdaw peng, ramri hngak SAC ralkap No.24 Byuha sakhan cu Rakhine ralkap AA nih nihin April 7 zinglei ah an laak i SAC ralkap nih Maungdaw le Buthidaung peng ah ralkap thazaang an chap, tiah tualchung mi nih an chim.
“No.24 Byuha sakhan cu SAC ralkap le palik nih caan saupi chung an hngah cang mi hmun a si i AA nih April thla thawk ah kah hram an rak thawk i nihin April 7 ah an laak, hriamnam chiah an fial ko hna nain an duh lo caah an kah hna, SAC ralkap pawl cu Kyeinchaung khua lei ah an zaam,” tiah Maungdaw peng tualchung mi pakhat nih a chim.
No.24 Byuha sakhan in a zaam mi SAC ralkap le palik pawl cu Kyeinchaung khua, ramri hngak SAC palik Company 7 sin ah an i fonh, tiah theih a si.
A luancia March 11 ni zong ah Maungdaw peng Aungtharpyi ramri hngak pawl nih an hriamnam an chiah duh lo ruang ah AA nih ran rak kah hna i ramri hngak palik 180 hrawng Bangladesh ram ah an zaam i AA nih hriamnam tam ngai an rak laak.
Atu ah cun Maungdaw chaklei Kyeekanpyin ramri hngak Headquaters lawng a taang cang i AA nih an erhkhumh hna, SAC ralkap nih Buthidaung–Maungdaw hmunram ah tilawng hmang in ralkap thazaang an chap ve, tiahntheih a si.
“Maungdaw–Buthidaung motor lampi zong AA nih an uk dih cang i SAC lei nih hin vanlawng in kahdohnak an tuah peng ve,” tiah tualchung mi pakhat nih a chim. Crd: the chin post
Leave a Reply