Zangfak ngai ngai asi kachin ram kulh hpakan lungman sung lungring kawl nak ah company nih an hlawh mi lei vawr ah lung kawl mi pakhat cu nizan ti ni ah khan company rian tuan mi misual hna nih lung na fir tiah an puh hi asi.
Cu tic un an tlaih I ni 2 chung an hren hi asi an tuk an velh a tak sa nih a celh ti lo caah nizan April ni 5 ah a nun nak a liam hi asi a hawi pa nih a chim ning ah cun company misual phu hna an si an lunghring sawsawh nak ah an tlaih hi asi.
An hrem ning hi a fak hringhran a fir mi sisehlaw a phun diam cang hna kei ka hmuh nak ah cun a fir lo ti hi za ah za ka zumh cun a fir zawng ah a nun nak tiang in an tuah mi cungah ka lungtling lo tuanvo ngei tu nih a si khawh chung hma kan lak piak uh tiah a chim hi asi.
Mandalay ramṭhen, Wundwin peng ah penguk palik bawi Win Kyaw Thu telh in SAC palik le ralkap 4 nih an i cit mi motor cu WTRF nih bomb an puahhnawh i palik bawi telh in an zate in an thih kong Wundwin Township Revolution Force – WTRF in ṭuanvo ngei pakhat nih a chim.
Nizan April 5, zan suimilam 7:00 hrawng ah Wundwin peng, Natnan khua le Htanaungkone khua kar ah SAC palik le ralkap nih an i cit mi motor cu WTRF phu nih bomb an puahhnawh i motor chung ah penguk palik bawi pakhat le midang 4 a cuang mi hna cu an dihlak an thih pinah motor zong a rawk dih, tiah theih a si.
“Wundwin khuapi lei an kir lio Natnan khua lonh, Htanaungkone khua phanh hlan ah bomb cu kan puahhnawh hna i an motor zong an rawk dih, cuka hrawng cu Drone zuang mi a zelh in aa zel i, Wundwin khuapi chung zong ah Ambulance motor thawng a thang ngai,” tiah Wundwin Township Revolution Force – WTRF in ṭuanvo ngei pakhat nih a chim.
Leave a Reply